სექსის აღწერა სხვადასხვა სიტყვით შეიძლება: შესანიშნავი, მგრძნობიარე, ენერგიული, ორგაზმული - მაგრამ, ნამდვილად არა მტკივნეული! ის სასიამოვნო უნდა იყოს (BDSM-ის რამდენიმე ვარიაციის გარდა, მაგრამ ისინიც, წესით, უნდა მოგეწონოს). ასე რომ, თუ ტკივილს გრძნობ, არ უნდა შეეგუო ამას. უნდა გაარკვიო, რაშია საქმე!
-
არასაკმარისი წასაცხები
დიახ, ვაგინის შიგნით ბუნებრივი ნაცხია, მაგრამ თუ არასაკმარისად აღგზნებული ხარ, შეიძლება სიმშრალე იგრძნო. ნუ გეშინია ლუბრიკანტის, ის დაგეხმარება.
-
ალერგია სექს-სათამაშოსა და ლუბრიკანტზე
ნუ ყიდულობ ყველაზე იაფფასიან ვარიანტებს, რომლებიც, როგორც წესი, უხარისხო მასალისგან მზადდება. თუ გაირკვევა, რომ ალერგია გაქვს, მაგალითად, ლატექსზე, შეგიძლია ბევრი კარგი ალტერნატივა იპოვო.
-
ცუდი ეპილაცია
ან კარგი, მაგრამ მის შემდეგ თმის რამდენიმე ფოლიკული გაიბერა, და გეტკინა. მაშინ სექსი ჯობია გადადო, ხოლო მტკივნეულ ადგილზე კრემი წაისვა.
-
სექსუალური დისფუნქცია
ამაზე ხშირად არ საუბრობენ, მაგრამ ზოგიერთ ქალს, განსაკუთრებით ახალგაზრდა ასაკში, ვაგინიზმი სჭირს: საშოს კუნთები სპაზმს განიცდის, შეღწევა მტკივნეული ხდება. ასევე მტკივნეული შეგრძნებები შეიძლება ვულვას ირგვლივ ნერვული ბოჭკოების ჰიპერაქტიურობასთან იყოს დაკავშირებული (ამას ვულვოდინია ეწოდება). საბედნიეროდ, ორივე შემთხვევაში განკურნება შესაძლებელია სწორად შერჩეული წამლების დახმარებით.
-
მოუხერხებელი პოზები
ექსპერიმენტები - მშვენიერია, მაგრამ ზოგიერთი პოზა ყველას არ უხდება. ამას გარდა, ზოგჯერ შეიძლება არასასიამოვნო შეგრძნებები გაჩნდეს საყვარელ პოზაშიც კი.
-
მშობიარობის შემდეგ
თუ მალე დაგიბრუნდა ლიბიდო - გილოცავთ! მაგრამ გაითვალისწინე, რომ შენმა ორგანიზმმა ძლიერი სტრესი გადაიტანა, და შენს ვაგინას დრო სჭირდება, რომ ჩვეულ ფორმას დაუბრუნდეს. საშუალოდ, 4-6 კვირაში შეგიძლია დაიწყო, მაგრამ ზოგიერთს მეტი დრო სჭირდება.
-
ინფექციები
ყველა ინფექციამ შეიძლება ძალიან ძლიერ არ იმოქმედოს ჯანმრთელობაზე, მაგრამ მოახდინოს ცისტიტის ან ჰერპესის გააქტიურება. შეამოწმე ის ადამიანი, ვისაც ხვდები და თავადაც მიხედე ინფექციას დროულად .
-
ქალწულობა
პირველ ჯერზე ბევრს არ სიამოვნებს, მერე გაივლის.
-
ძალიან დიდი პენისი აქვს
მაგრამ ეს არ არის ტანჯვის საბაბი! შეარჩიეთ მოხერხებული პოზა და მეტი დრო დაუთმეთ პრელუდიას.
-
დიდი ხანი არ გქონდა სექსი
ხდება ხოლმე... არაფერია საშიში, თავიდან შეიძლება არასასიამოვნო იყოს, მერე გაივლის.
